Lernu Pokeron en Esperanto
Ludado
Estas du distingeblecoj de Teksasa Komunkarta Pokero:
- Homoj entute havos 7 kartojn el kiuj ili povas krei sian plej bonan manon
- Cxiu homo havas 2 privatajn kartojn kaj sur tablo estos 5 komunaj kartoj, kiuj povas esti uzata de cxiuj. Tiu sistemo faras Teksasa Komunkarta Pokero aparte strategia, cxar per la surtablaj kartoj oni jam povas suficxe bone diri, kiujn manojn la aliaj povus fari. Ekzemple por ke iu povu krei Emblemon, devas esti almenaux 3 kartoj de la sama emblemo sur la tablo, alikaze oni tute ne bezonas zorgi.
Komence de cxiu rauxndo cxiu ludanto ricevas siajn du privatajn kartojn. Sekvas vetado: se ies kartoj estas acxegaj, li versxajne entute rifuzos veti jxetonojn sur ili kaj do ne kunludos en tiu rauxndo. Sed se li havas bonegajn kartojn, li versxajne vetos multon por ke la plejparto de la aliaj ne kunludu. (Detaloj pri kiel funkcias la vetado trovigxas sube)
Post tiu unua vetado aperas tri komunkartojn en la mezo de la tabulo. Tiuj nomigxas "flopo" (flop). Komencas denove vetado, cxar la valoro de la manoj ja iom sxangxigxis: ekzemple tiu, kiu antaux la flopo nur tenis malgrandajn 4 kaj 6 sxategus vidi 5, 2 kaj 3 kiel komunkartoj, cxar tiuj donus al li sinsekvon 2 gxis 6 kaj li povus pagigi la aliajn ludantojn.
Post la dua vetado aperas ankoraux unu komunkarto, nomata "turnigxa karto"(turn), kaj oni denove vetas. Poste aperas la lasta komunkarto, la "rivera karto"(rivero), kaj ankoraux okazas vetado. Finfine cxiuj restantaj ludantoj (se restas) malkovras siajn privatajn kartojn kaj do siajn manojn. Tiu kun la plej bona mano ricevas cxiujn vetitajn jxetonojn.
Povas okazi ke la vetado estas tiam multekosta ke cxiuj ludantoj krom unu jam antaux la river - aux ecx antaux la flopo rezegnis kaj forjxetis siajn kartojn. Tiam la lasta restanta ludanto (tiu, kiu vetis) ricevas cxiujn vetitajn jxetonojn sen devi montri siajn kartojn.
Vetado
Antaux ol homoj ecx rigardas siajn kartojn, du el ili jam devas veti: la unua kaj la dua ludanto post la disdonanto (dekstrume). Tiuj vetoj nomigxas "blindaj vetoj"(blinds), cxar la ludantoj ja ne vidis siajn kartojn. Ili estas devigaj. Tiel la ludo igxas pli interesa, cxar almenaux tiuj du ludantoj ja ne volas perdi siajn vetitajn jxetonojn kaj do provos venki per siaj kartoj. La blinda veto de la dua ludanto post la disdonanto estas dufoje pli granda ol tiu de la unua ludanto, do tio nomigxas la "granda blindveto". En turniro la blindvetoj pligrandigxas post cxiuj 5 aux 10 minutoj.
Nun cxiuj ludantoj rajtas rigardi siajn kartojn. Poste la tria ludanto post la disdonanto komencas la rauxndon dirante se li volas forjxeti siajn kartojn (fold), sekvi vetante same multe kiel la granda blindveto (call) aux veti pli (bet). Se la sekvaj ludantoj ne volas forjxeti siajn kartojn, ili cxiuj devas veti almenaux la saman kvanton ol tiu, kiu vetis plej multe. Poste la vetado iras gxis kiam cxiuj aux forjxetis siajn kartojn aux sekvis. La lasta ludanto kiu devas decidi do estas tiu antaux la homo kiu laste vetis, aux tiu, kiu metis la grandan blindveton, se neniu vetis pli. Tiu, kiu enmetis la grandan blindveton, en tiu kazo ankaux havas la elekton deteni sin (check), tiu volas diri ne enmeti pliajn jxetonojn sed ankaux ne devi forjxeti siajn kartojn, cxar li ja blinde vetis suficxe.
Post tiu vetado la flopo aperos. Cxiu posta ludado kaj vetado komencos je la ludanto tuj post la disdonanto, do tiu, kiu enmetis la malgrandan veton. La vetadsistemo samos.
Tiu vetado estas suficxe malfacila kompreni nur legante, do jen ekzemplo:
- whatsup623 tenas la disdonantan butonon (ne bone videblas)
- AL323 enmetis la malgrandan blindveton
- class_clown14 enmetis la grandan blindveton
- nun alvenas la privataj kartoj
vetado komencis cxe hd roadking555; li elektis all in, tiu volas diri veti cxiujn siajn jxetonojn. Li havis 990.
Notu ke estas ege acxa movo veti "all in" antaux la flopo. Nur en esceptegaj situacioj oni farus tion.
- post li, dimce1 elektis sekvi, do li mem devis ankaux enmeti 990
- HedKaze elektis forjxeti siajn kartojn
- Psmooth elektis sekvi. Estas malnature ke pli ol unu homo sekvas post granda "all in", cxar oni bezonus bonegegajn kartojn. Do almenaux unu el dimce1, psmooth kaj roadking555 versxajnege estas stultega ludanto.
- Shootin Jo elektas forjxeti siajn kartojn
- nun whatup623 devas decidi kion fari, cxu investi 990
- post li, AL323 devos decidi cxu investi 985 (lia blindveto ja jam estis 5), do lia tuta jxetonaro
- kaj finfine class_clown devos decidi cxu investi 980 (lia blindveto estis 10)
- se ili ne volas tiom investi, ili devas forjxeti siajn kartojn
- se ekzemple whatsup623 vetus pli (raise), ankaux dimce1 kaj Psmooth23 devus redecidi cxu ankoraux kunludi la rauxndon. hd roadking555 cxiukaze kunludus cxar ne eblas veti (aux esti devigita veti) pli ol sia tuta jxetonaro.
Ekzerco
Demandoj:
- Kiu estas la 'disdonanto'?
- Kiu devis blindveti kiom?
- Kiun elekton faris capan?
- Kiu forjxetis siajn kartojn?
- Kiun elekton havas dimce1 nun?
- Cxu Psmooth23 povos elekti deteni sin (check)?
- Cxu class_clown14 nun povus redecidi kaj enmeti 20 por ludi?
- Cxiu ludos unue post la flopo?
Solvoj:
- dimce1
- HedKaze enmetis la malgrandan blindveton (5) kaj Psmooth23 enmetis la grandan blindveton (10).
- capan elektis sekvi, do li devis enmeti same multe kiel la plej granda veto (10, la granda blindveto).
- class_clown14
- Forjxeti (fold), sekvi enmetante 20 (call) aux veti (raise) pli ol 10.
- Ne. Li devas aux enmeti almenaux 10 pliajn aux forjxeti siajn kartojn.
- Ne. Kiam oni unufoje decidis forjxeti siajn kartojn, oni cxiukaze ne povos kunludi la rauxndon, ecx se okazas plia vetado.
- HedKaze