La Kartaro kaj la Manoj
La kartaro kaj la manoj samas en cxiuj variantoj de pokero. Oni cxiam uzas
kvar emblemoj: ♥(karoo), ♦(kero),
♠(piko) kaj ♣(trefo). Kun cxiu
emblemo ekzistas kartoj numerataj 2 gxis 10 kaj poste fanto (kun litero J cxe
usonaj kartoj), damo (Q), regxo (K) kaj aso (A). Aso estas uzata kiel 1 kaj kiel
karto pli alta ol regxo, samtempe.
Mano konsistas el 5 kartoj. En la plejmulto de pokervariantoj oni havas 7
kartoj inter kiujn oni povas elekti, sed finfine nur 5 kartoj estas
konsiderataj. Jen eblaj manoj, arangxita laux ilia rango, de la plej malbona
mano al la plej bona, kun ekzemplaj kartoj:
- Alta Karto - havi 'altan karton' vere signifas havi nenion, sed se la
kontrauxulo ankaux havas nenion, via plej alta karto estas aso kaj lia estas
regxo, vi tamen venkas.
- Paro - paro estas 2 kartoj kun la sama numero, ekzemple 10♣ kaj 10♠ . (kaj
3 ajnaj kartoj, sed ne alia 10, alia paro ktp.)
- Du Paroj - dufoje 2 kartoj kun la sama numero, K♥
K♠ kaj 9♣ 9♦ sed ne kvar regxoj aux kvar 9-oj ktp.
(aldone unu ajna karto cxar mano konsistas el 5 kartoj)
- Triopo - 3 kartoj kun la sama numero, ekzemple 4♦
4♥ 4♣ (aldone 2 ajnaj kartoj por fari 5-kartan manon)
- Sinsekvo - 5 kartoj kun sinsekvaj numeroj, ekzemple J♣ 10♠ 9♦ 8♥ 7♠, memoru ke al aso aux
sekvas regxo aux 2, sed ne ambaux (sinsekvo K♣ A♠ 2♦
3♥ 4♠ ne eblas)
- Emblemo - 5 kartoj kun la sama emblemo. Numeroj ne gravas. Ekzemple:
K♥ J♥ 8♥ 7♥ 4♥
- Plena domo - paro kaj triopo, ekzemple 2♣ 2♠ 2♦
Q♥ Q♠
- Kvaropo - 4 kartoj kun la sama numero, ekzemple J♥ J♣ J♦ J♠ (aldone 1 ajna karto
por fari 5-kartan manon)
- Sinsekva Emblemo - emblemo kiu ankaux estas sinsekvo, ekzemple Q♦ J♦ 10♦ 9♦ 8♦
- Regxa Emblemo - sinsekva emblemo kun aso kiel plej alta karto, ekzemple A♠
K♠ Q♠ J♠ 10♠
La du lastaj manoj estas tre raraj. Ecx Kvaropo versxajne ne okazos pli ol
unufoje dum 9-homa turniro en Teksasa Tenpokero.
Se du homoj havas la saman manon, la plej altaj kartoj venkas. Do, se unu
havas 10♣ 10♠ kaj la alia havas 7♣ 7♠, la ludanto kun 10♣ 10♠ venkas. Se ambaux
tenas paron de 10-oj, tiu kun la plej alta kroma karto venkas (tial oni cxiam
elektas la plej altajn kartojn kiel "ajna karto"). Se du homoj ambaux tenas
emblemon, tiu kun la plej alta karto en tiu emblemo venkas. Se du homoj ambaux
tenas plenan domon, tiu kun la plej alta triopo venkas. Se ambaux tenas ekzakte
la samajn manojn, neniu venkas.
Ekzerco
Kiu mano estas tiu?
- Q♣ 8♣ 2♣ A♣ 4♣
- 9♥ 7♠ 7♠ Q♦ K♥
- 5♦ A♠ 4♦ 4♣ A♥
- 6♠ K♦ 3♦ 7♥ 9♠
- 6♠ 8♦ 10♦ 9♥ 7♦
Solvoj: 1. Emblemo; 2. Paro (7-oj); 3. Du Paroj (asoj kaj 4-oj); 4. Alta
Karto (regxo); 5. Sinsekvo (6 gxis 10)
Nun legu pri la ludado
de teksasa tenpokero.